പുറത്തേക്ക് ഇറങ്ങുമ്പോള് ശകുന ശസ്ത്രം
ഒന്നു കൂടി ഓര്ത്തു
നിറകുടം, വേശ്യ, പച്ചമാംസം, ശവമഞ്ചം
പടികടന്നപ്പോള് മുതല്
കണ്ണ് ശുഭ ലക്ഷണങള് തിരഞ്ഞു
മനസ്സു നിറയെ അശുഭ ചിന്തകളായിരുന്നു
റോഡരികില്, പൈപ്പിന് ചുവട്ടില്-
ഒരുപാട് പ്ലാസ്റ്റിക് കുടങ്ങള്
വെറുതെ കണ്ണയച്ചു
ഒന്നു പോലും നിറഞ്ഞിരുന്നില്ല
ബസ് സ്റ്റാന്റിലെ മൂത്രപ്പുരയ്ക്കടുത്ത്
ഒരുവള് വേശ്യാ ലക്ഷണങ്ങളോടെ
വെറുതെ കണ്ണളന്നു
അവളുടെ ഒട്ടിയ വയര്, ഇടിഞ്ഞ മുലകള്
ബസ് ഒരു ട്രാഫിക് ജാമില് കുടുങ്ങിയപ്പോള്
വിവരമന്വേഷിച്ചു
കുറച്ചു മുന്നില് ഒരപകടം
ഒരാംബുലന്സ് കടന്നു പോകുന്നത് കണ്ടു
പുറത്തേക്കെത്തി നോക്കിയപ്പൊള്
റോഡരികില് ഒരു ചോരത്തളം
കണ്ണടച്ചു കിടന്നു
പോയ കര്യം ശുഭം
2 comments:
poem is nice
but need some clarification also.
❤
Post a Comment