എന്നോട്‌ ഉന്നയിച്ചേക്കാവുന്ന ചോദ്യങ്ങളെ കുറിച്ചും
ചോദ്യങ്ങള്‍ക്ക്‌ കിട്ടാവുന്ന ഉത്തരങ്ങളെ കുറിച്ചും
എനിക്കൊരു മുന്‍വിധിയുണ്ടായിരുന്നു
അതുകൊണ്ടു തന്നെ ഞാനെന്റെ ഹൃദയത്തെ
കല്ലു പോലെ സൂക്ഷിച്ചു
എന്റെ നേരെ എറ്റിയ ചോദ്യങ്ങളെല്ലാം
ഉന്നം തെറ്റി തിരിച്ചു ച്ചെന്നു
എന്റെ ഹൃദയത്തെ ഉരച്ചു നോക്കിയ മേശന്‍മാര്‍
വെള്ളക്കല്ലെന്നു പറഞ്ഞും
ശില്പികള്‍, പൊള്ളക്കല്ലെന്നു പറഞ്ഞും
എന്നെ തിരസ്ക്കരിച്ചു
ഞാനൊരു ലോല ശിലാഹൃദയന്‍
അല്ലെന്നുണ്ടെങ്കില്‍ എന്റെ ഹൃദയത്തെ
ദീര്‍ഘ ചതുരാകൃതിയില്‍ മുറിച്ചെടുക്കുക
അതിര്‍ത്തിയിലെ കമ്പിവേലിക്കു കാലാക്കുക
No comments:
Post a Comment